Амаль 25 тысяч жыхароў Фінляндыі выйшлі з Лютэранскай Царквы пасля таго, як у адной з тэлепраграмаў было прадстаўлена яе традыцыйнае навучанне на тэму геяў і лесбіянак.
Грамадскае тэлебачанне YLE арганізавала двухгадзінныя дэбаты аб правах гомасексуальных асоб з удзелам палітыкаў, святароў і актывістаў грамадскіх арганізацый. Паві Расанен, старшыня Хрысціянска-дэмакратычнай партыі, заявіў, што "чалавек, які жыве ў гомасексуальным саюзе ведае, што робіць нешта дрэннае з хрысціянскага пункту гледжання”. Лютэранскі біскуп Тамперэ Маці Рэпа заявіў, што ніколі не разглядаў магчымасці бласлаўляць аднаполыя саюзы, бо "гэта супярэчыць навучанню Бібліі”.
Амаль 80 працэнтаў фінаў належаць да Лютэранскай Царквы, якая мае статус дзяржаўнай і фінансуецца з падаткаў яе членаў.
У Фінляндыі дазволены грамадзянскія гомасексуальныя саюзы, аднак яны не разглядаюцца як сужонствы. Людзі, якія жывуць у такіх саюзах, могуць усынаўляць/удачараць дзяцей, калі яны з’яўляюцца біялагічнымі нашчадкамі партнёра.