Фінансавы і харчовы крызісы замарудзілі прагрэс на шляху ўстанаўлення гендэрнага балансу і прадастаўлення годнай працы для жанчын у сельскай гаспадарцы.
Пра гэта гаворыцца ў дакладзе, падрыхтаваным Харчовай і сельскагаспадарчай арганізацыяй ААН (ФАО) і Міжнароднай арганізацыяй працы (МАП).
У той час як зніжаецца колькасць працоўных месцаў, скарачаюцца сацыяльныя дапамогі і выдаткі на інфраструктуру, працоўная нагрузка на жанчын ўзмацняецца, а аб’ём неаплатнай працы ўзрастае. Таму ім больш не ўдаецца забяспечваць харчовую бяспеку гаспадарак, асабліва тых, якія яны ўзначальваюць.
Акрамя таго, жанчыны сутыкаюцца з дыскрымінацыяй, якая абмяжоўвае не толькі іх прадукцыйнасць, але і індывідуальнае развіццё.
Эксперты ФАО і МАП лічаць, што жанчынам неабходна палепшыць доступ да адукацыі, крэдытаў, далучыць да рынкавых механізмаў, забяспечыць іх тэхнічнай падтрымкай і абараняць іх працу.