Паводле дадзеных германскага Федэральнага агенцтва па працы, сярод 171 тысяч занятых у службах бяспекі пятую частку складаюць прадстаўніцы жаночага полу.

У Нямеччыне, як і ў шматлікіх іншых краінах свету, камерцыйныя секьюрыці ўсё часцей прыцягвацца да аховы аб’ектаў і фізічных асоб, а таксама для забеспячэння парадку на буйных мерапрыемствах. Прыватныя фірмы адказваюць за бяспеку ў цягніках і самалётах, на вакзалах і ў школах. Гэтая галіна хутка расце і шукае падмацаванне, у тым ліку і сярод жанчын.
Дамы, якія прайшлі навучанне, заўсёды знаходзяць працу – і на ахове аб’ектаў, і для забеспячэння бяспекі на мерапрыемствах, і нават у якасці целаахоўніц. Гэтае звязана з тым, што яны ўмеюць разраджаць становішча. Нядзіўна, што для павышэння эфектыўнасці патрульныя каманды робяць змяшанымі.

У 2003 годзе гэтая прафесія была афіцыйна ўключаная ў нямецкае працоўнае заканадаўства як “адмысловец па абароне і бяспецы”. Пры гэтым усе жадаючыя зрабіць свой уклад у высакародную справу забеспячэння спакою і парадку павінны мець спецыяльны сертыфікат Гандлёва-прамысловай палаты (IHK).