Балгарка Ірына Бокава выбрана на пасаду кіраўнічкі ЮНЕСКА. Упершыню ў гісторыі гэтай структуры Арганізацыі Аб’яднаных Нацыяў пасаду генеральнага дырэктара зойме жанчына. Кандыдатуру 55-гадовай балгаркі падтрымала выканаўчая рада UNESCO.
Праўда, выбар дыпламаткі Ірыны Бокавай на найвышэйшы пост у ЮНЕСКА павінен быць дадаткова зацверджаны 15 кастрычніка на генеральнай канферэнцыі гэтай ўстановы.
Арганізацыя Аб’яднаных Нацый па пытаннях адукацыі, навукі і культуры (United Nations Educational, Scientific and Cultural Organization; UNESCO), якая дзейнічае на карысць навучання, аховы навакольнага асяроддзя і свабоды слова, згуртавала 193 дзяржавы. Штаб-кватэра гэтай структуры знаходзіцца ў Парыжы. У склад арганізацыі ўваходзіць 67 бюро і падраздзяленняў, размешчаных у розных частках свету.