Полькі больш ахвотна выходзяць замуж за немцаў, брытанцаў ды італьянцаў. А мужчыны выбіраюць у якасці жонак украінак, беларусак і рускіх. Пра гэта паведаміла Галоўнае статыстычнае ўпраўленне Польшчы.
Газета “Dziennik” напісала, што ў 2007 годзе з іншаземцамі пабраліся 2658 жанчын. Гэта амаль на сто больш, чым у папярэднім годзе. Высновы аналізу наступныя: у першую чаргу, полькі становяцца жонкамі жыхароў Заходняй Еўропы, а палякі пераважна жэняцца на жанчынах з-за усходняй мяжы.

Цікава, што год за годам змяншаецца прыцягальнасць амерыканцаў/амерыканак як кандыдатаў/кандыдытак на мужа/жонку. Апроч таго, іншаземец ужо не з’яўляецца для полькі магчымасцю апынуцца на Захадзе. Цяпер усё часцей замежныя мужы пераязджаюць жыць у Польшчу.