У Польшчы жанчыны займаюцца больш, чым 35 адсоткамі фірмаў. Аднак часцяком бізнесвумен не заўсёды ведаюць, як абараніць свае прадпрыемствы ад несумленнай канкурэнцыі. Адам Таўкэрт, прэсавы сакратар Камітэта па пытаннях патэнтаў, сказаў Польскаму радыё для замежжа: “Мы назіраем за вельмі вялікай актывізацыяй жанчын у бізнесе, у галіне вынаходніцтваў. І мы заўважылі, што менавіта жанчынам трэба падказаць, якім чынам абараніць свой брэнд, лагатып ды інтэлектуальную ўласнасць”. Дзеля таго, каб лепей падрыхтаваць пачынаючых бізнесвумен, Камітэт па пытаннях патэнтаў запрасіў спецыялістаў па абароне інтэлектуальнай уласнасці. Адам Таўкэрт падкрэслівае, што вельмі часта поспех фірмы залежыць ад забеспячэння ўласнага вынаходніцтва ад крадзяжу: “Асаблівую ўвагу неабходна звяртаць на прамысловую ды інтэлектуальную ўласнасць. Гэта таварныя брэнды, патэнты, вынаходніцтвы – карацей, разнастайныя правы, якія дазваляюць развіваць прадпрыемства”. З дадзеных Камітэта па пытаннях патэнтаў вынікае, што ў 2000 – 2007 гадах жанчыны запатэнтавалі ў Польшчы 10 тысяч вынаходніцтваў.
Источник: http://www.radyjo.net | 
