1 кастрычніка 2008 года ў Польшчы ўвойдзе ў дзеянне новы закон. Ён дазваляе мясцовым уладам уносіць у агульнадзяржаўны рэестр даўжнікоў чалавека, які шэсць месяцаў не плаціць аліменты.
Грамадзянін, зафіксаваны ў гэтым пераліку, не будзе карыстацца даверам у банкаў і ў фірмах, якія прадаюць тавары ў растэрміноўку. Такім чынам, ён не зможа атрымаць крэдыт, набыць сотавы тэлефон па абанементу ды скарыстацца шмат якімі іншымі паслугамі.
Паводле польскага заканадаўства, у агульнанацыянальны спіс даўжнікоў можа трапіць асоба, якая не разлічылася па крэдыту, не заплаціла штраф альбо мае нейкія іншыя даўгі перад фірмамі.
