Сёлета ў Польшчы выпушчаны дапаможнік “Школа роўнасці: адукацыя, свабодная ад дыскрымінацыі”. Кніга накіравана на педагогаў сярэдніх школ, якія жадаюць навучаць і выхоўваць дзяцей і падлеткаў паводле сучасных гендэрных ідэй.
Выданне налічвае 250 старонак і падзелена на дзесяць асноўных частак. Главы дапаможніка даюць сур’ёзныя тэарэтычныя веды пра гендэр і фізіялагічны пол, грунтоўна распавядаюць аб праявах дыскрымінацыі жанчын у розных галінах грамадскага і прыватнага жыцця (у тым ліку, у эканамічных зносінах, палітычнай сферы і сродках масавай інфармацыі). Кніга змяшчае метадалагічныя рэкамендацыі, прыклады практыкаванняў ды канспекты заняткаў на тэмы роўнасці.