“Політэхнічныя інстытуты клічуць дзяўчат,” – такім лозунгам гэтыя вышэйшыя навучальныя ўстановы заахвочваюць прадстаўніц прыгожага полу стаць студэнткамі. Адмыслова для жанчын у згаданых ВНУ 23 красавіка прайшоў дзень адчыненых дзвярэй.
У Польшчы дзяўчыны складаюць толькі траціну навучэнцаў політэхнічных інстытутаў.
Прафесар Роман Сліва з факультэта машынабудавання і авіяцыі Політэхнічнага інстытута ў Жэшаве (Падкарпацкае ваяводства, Польшча) пераконвае, што жанчыны спраўджваюцца на гэтым накірунку: “Усе дзяўчыны закончылі вучобу з добрымі вынікамі. Нагрузкі часцей не вытрымліваюць мужчыны. Патрэбная рашучасць, і нельга паддавацца ўяўным паразам. Гэтага дастаткова, каб шчасліва закончыць адукацыю”.
Дагэтуль Політэхнічны інстытут у Жэшаве закончылі больш за дзесятак жанчын,  якія атрымалі кваліфікацыю лётчыц. Некаторыя з іх працуюць пілотамі на “Боінгах”.