На гэтае пытанне на старонках выдання "Dziennik. Gazeta Prawna” адказала прафесарка варшаўскай эканамічнай ВНУ Ірэна Катоўска, аўтарка рапарту "Грамадскі дыягназ”.
Гэтыя сумныя звесткі звязаны з адменай усеагульнага воінскага абавязку ў Польшчы. Ужо няма пудзіла для адзінокіх ці бяздзетных мужчын, і цяпер у ВНУ стараецца паступіць толькі той, хто сапраўды хоча. Гэта паказвае крохкасць сістэмы, на якой грунтаваўся працэс вышэйшай адукацыі: замест таго, каб вучыцца для сябе і сваёй будучыні, мужчыны масава шлі ў ВНУ толькі таму, каб не трапіць у армію. 2/3 маладых жанчын у Польшчы з’яўляюцца студэнткамі, а больш за палову мужчын выбіраюць працу, а не вучобу. Гэта матэрыяльна выгодна, але на кароткі час. У будучыні мужчыны стануць менш канкурэнтаздольнымі на рынку працы і ў выніку прайграюць ад рашэння не працягваць вучобу.
Прафесарка Катоўска бачыць складаную праблему ў тым, што мужчыны не паступаюць у ВНУ. Факт, што жанчыны пераважаюць сярод студэнтаў гуманітарных і некаторых іншых факультэтаў, можа прывесці да таго, што ў гэтых галінах навукі пачне дамінаваць жаночы пункт гледжання, што ў выніку прывядзе да фальсіфікацыі рэчаіснасці.
Іншае важнае пытанне – гэта пагроза банкруцтва прыватных ВНУ, якія існавалі ў асноўным за кошт маладых мужчын, што хаваліся ад арміі.
Паглыбіцца таксама праблема адзінокіх людзей, якая можа ўзнікнуць у выніку нежадання мужчын пашыраць веды. Прафесарка Катоўска падкрэслівае, што жанчыны неахвотна звязваюць свой лёс з горш адукаванымі партнёрамі. І таму вучоная адзначае, што ў Польшчы будзе мноства дыпламаваных старых дзеваў.

Прафесарка лічыць, што праз нейкі час маладыя палякі зразумеюць, што трэба вучыцца, бо стануць мала зарабляць, будуць сябе горш адчуваць побач з добраадукаванай дзяўчынай. І тады вышэйшая адукацыя зноў стане для мужчын каштоўнасцю самой па сабе, а не толькі сродкам, каб не ісці ў войска.