У Польшчы сярод беспрацоўных па-ранейшаму лідзіруюць маладыя жанчыны. Полькі надалей маюць праблемы з вяртаннем на працу пасля нараджэння дзіцяці. Сітуацыю не змяніў нават перагляд працоўнага кодэкса.
Дыскрымінацыя маладых маці з’яўляецца амаль агульнай з’явай: жанчын перасоўваюць на ніжэйшыя пасады, пазбаўляюць кар’ернага росту альбо ствараюць дадатковыя праблемы, калі тыя бяруць бюлетэні па хваробе дзіцяці.
– Даволі часта здараецца так, што маці вяртаецца на працу толькі дзеля таго, каб на наступны дзень быць звольненай, – паведаміў юрыст Вальдэмар Гуйскі, спецыяліст па працоўным кодэксе.
З рапарта міністэрства працы вынікае, што даволі вялікую групу беспрацоўных складаюць менавіта маладыя жанчыны. Чаму? Бо маюць праблемы са спалучэннем працы і мацярынства.
Дзякуючы датацыям з Еўрапейскага Саюза шмат жанчынаў рэгіструюць уласныя фірмы. У выніку ніхто іх не дыскрымінуе, а яны выдатна спалучаюць працу з мацярынскімі абавязкамі, лічаць эксперты.
Напрыканцы студзеня не працавалі каля 2,53 мільёнаў палякаў, у тым ліку 1024000 жанчын. Масавыя звальненні пачаліся больш за год таму. Летась працы пазбавіліся амаль 419 тысяч чалавек. Узровень беспрацоўя склаў 12,8%.