…і таму маці не вяртаюцца на сваю ранейшую працу. Толькі два працэнты дзяцей да трох гадоў маюць месца ў яслях. На думку палітыкаў і экспертаў, калі б у Польшчы было больш такіх устаноў, жанчыны, якія нарадзілі дзіця, маглі б прадоўжыць прафесійную кар’еру. Гэта карысна адбілася б на эканоміцы.
Вялікая актыўнасць жанчын на рынку працы неабходная не толькі Польшчы, але і ўсёй Еўропе. Старшыня Еўрапарламента Ежы Бузек прапанаваў вярнуцца да ўзораў пяцідзесятых гадоў ХХ стагоддзя, калі, напрыклад, дзіцячыя яслі былі пры фабрыках.
Некаторыя заходнія фірмы і цяпер умеюць спраўляцца з праблемай дагляду за малымі. Яны выйграюць на гэтым: адкрываюць свае яслі, а маці падчас перапынкаў у працы могуць наведваць дзяцей. У сакавіку польскі ўрад разгледзіць закон аб розных формах дагляду за малымі да трох гадоў, што павінна аблегчыць адкрыццё новых дашкольных устаноў. Цяпер яслі функцыянуюць як медустановы. Гэта дорага каштуе, таму мясцовыя самакіраванні не спяшаюцца іх арганізоўваць.