Грамадская арганізацыя вясковых жанчын пад назвай “Сялянка” створана ў Беларусі. Устаноўчая канферэнцыя новай структуры прайшла ў сакавіку. На мерапрыемства былі запрошаны прадстаўніцы Беларускага саюза жанчын (“Сялянка” будзе яго структурнай адзінкай), а таксама чальцы арганізацыі сялянскіх жанчын з Нідэрландаў. Старшынёй новай НДА стала кіраўніца галоўнага ўпраўлення эканомікі Мінсельгасхарчу Ганна Андрыевіч.

Чакаецца, што “Сялянка” дапаможа жанчынам рэалізаваць свае ідэі, пасадзейнічае вырашэнню сацыяльных і бытавых праблем, падтрымае жанчын у стварэнні бізнесу, жаночых кааператываў, перакваліфікацыі і г. д.