Шматлікія ўкраінкі скарачаюць свой дэкрэтны водпуск. Кіраўнікі кампаній тлумачаць раннія выхады з дэкрэту нежаданнем саміх працаўніц страціць кваліфікацыю.

Дэмографы перакананыя, што жанчыны змушаныя так паступаць у асноўным з-за нежадання псаваць кар’еру, пабудаваць якую ім было нялёгка.

Па меркаванні псіхолагаў, для некаторых актыўных дам доўгі водпуск па дагляду за дзіцём можа ператварыцца ў сапраўднае пакаранне. Спецыялістка цэнтра псіхалогіі сям’і “Лелека” Таццяна Гаўрылава перакананая, што даволі часта “мама наступае на горла ўласнай песні, калі сядзіць дома” ўвесь тэрмін дэкрэту.

Па меркаванні экспертаў, аптымальны час, які маці павінна правесці з дзіцём, – тры месяцы.