Упершыню ў гісторыі Зялёнага кантынента пост генерал-губернатара краіны заняла кабета. Квентын Брус афіцыйна прысягнула ў якасці намесніцы брытанскага прастола ў будынку федэральнага парламента ў Канберы.

Ураджэнка штата Квінсленд у 1962 годзе атрымала ступень бакалаўра мастацтваў, а праз тры гады – дыплом юрысткі. Тады ж Брус стала першай кабетай штата, якую дапусцілі да ўлады. Сваю прафесійную кар’еру будучая губернатарка прысвяціла абароне жанчын і дзяцей, адстойваючы іх правы й інтарэсы.

Новая намесніца з’яўляецца ўзорам сямейнага шчасця. Яна замужам больш за 40 гадоў, нарадзіла дзвюх дачок і трох сыноў, мае пяць унукаў.