З пашпартоў грамадзянак Саудаўскай Аравіі неўзабаве знікнуць фатаграфіі. Адбіткі пальцаў заменяць здымкі ў дакументах.

У ісламскім каралеўстве крайне строга выконваюцца нормы шарыяту і мусульманскай маралі. Жанчынам нельга паказваць свой непакрыты твар незнаёмым мужчынам. Шматлікія жыхаркі каралеўства менавіта па гэтай прычыне не маюць наогул ніякіх дакументаў, якія сведчаць аб асобе.

Магчыма, новаўвядзенне зробіць жыццё мусульманак прасцейшым, павялічыўшы ступень іх незалежнасці, не парушаючы пры гэтым законы шарыяту і нормы рэлігійнай маралі. Бо штодня дамы церпяць ад нязручнасцяў у дзяржаўных установах, штат якіх складаюць практычна выключна мужчыны, што абцяжарвае ідэнтыфікацыю жанчын і захаванне ісламскіх нормаў.
Чыноўнікі каралеўства сцвярджаюць, што зараз рэзка скароцяцца выпадкі парушэнняў правоў саудавак.