Упершыню на Беларусі творчыя дзяўчыны зладзілі “Паэтычны дзявочнік”. Ён прайшоў у Менскай гарадской бібліятэцы імя Цёткі. Пяць прыгожых ўдзельніц творчай вечарыны прэзентавалі свае новыя кніг паэзіі.
Для захавання гендэрнага балансу і новых формаў рэкламы былі запрошаны і таленавітыя мужчыны. Паэткі “выдавалі замуж” свае кнігі, а хлопцы выконвалі “паэтычны стрыптыз”.

Вечарыну зладзілі Юлія Новік, Таццяна Нілава, Вольга Чайкоўская, Марыйка Мартысевіч і Віка Трэнас. Для большасці паэтак прэзентацыя сваіх выданняў была першай у жыцці. “Паэтычны дзявочнік” – крэатыўная ідэя Вікі Трэнас.

Адбыўся і традыцыйны для любога дзявочніка стрыптыз. Ён прайшоў у межах выступу Марыйкі Мартысевіч. Выконвалі стрыптыз тры паэты: Андрэй Адамовіч, італьянец Раберта Баначыні, які прадэманстраваў мілагучнасць сваёй роднай мовы, і Андрэй Хадановіч (на здымку).

Зборнікі вершаў – рэч не самая хадавая, таму паэты і паэткі шукаюць новыя формы рэкламы.