Дзяўчыны з аматарскай футбольнай каманды “De Rakt” у Нідэрландах маюць намер забіваць галы ў спадніцах, замяніўшы традыцыйныя шорты. Па словах удзельніц клуба, у спадніцах яны выглядаюць нашмат элегантней. Гэтая дэталь адзення прыдае ім больш жаноцкі выгляд у параўнанні з кансерватыўнымі канкурэнткамі. Акрамя таго, у кароценькіх спаднічках гуляць нашмат зручней, чым у шортах. Футбалісткі ў адзін голас заявілі, што не стануць больш насіць штонікі.

Федэрацыя футбола Галандыі дазволіла дзяўчынам гуляць у спадніцах, якія, аднак, павінны быць надзетыя на традыцыйныя шорты. Гэта яшчэ адна перамога каманды, хоць і гардэробная. Новаўвядзенне можа пакласці пачатак новай эры ў гісторыі жаночага футбола.

Выпадак з “пераапрананнем” прынёс “De Rakt” нямала папулярнасці. За некалькі тыдняў колькасць наведванняў іх Інтэрнет-сайта ўзрасла на сотні тысяч.

Праціўнікі рэформы футбольнай экіпіроўкі адзначаюць, што дзяўчынам варта засяродзіцца на якасці гульні, а не на тым, як яны выглядаюць.