Па дадзеных міжнароднай праваабарончай арганізацыі "Amnesty International”, да 50 працэнтаў жанчын у Таджыкістане падвяргаюцца фізічнаму, псіхалагічнаму або сексуальнаму гвалту з боку мужа ці яго сваякоў. Аднак, як паведамляе гэтая НДА, таджыкскія ўлады нічога не робяць у сувязі з гэтым, лічачы выпадкі жорсткага абыходжання ўнутрысямейнымі справамі.

Супрацоўніца "Amnesty International”, спецыялістка па Таджыкістану Андрэа Страсер-Каманьі распавядала, што да жанчын адносяцца як да прыслугі або прыватнай ўласнасці сям’і. У адмысловай заяве на гэты конт яна адзначыла, што "гвалт і прыніжэнне” штурхае многіх таджычак на самазабойства.

Міжнародная праваабарончая арганізацыя заклікала ўлады краіны прыняць меры для барацьбы з праблемай жорсткага абыходжання з прадстаўніцамі жаночага полу. "Amnesty International” прапанавала ўвесці эфектыўнае сямейнае заканадаўства і заснаваць службы дапамогі жанчынам. Праваабаронцы таксама лічаць неабходным зладзіць агульнанацыянальную інфармацыйную кампанію, каб павысіць усведамленне грамадскасцю незаконнасці незарэгістраваных, палігамных і ранніх шлюбаў.