Раскіданае па кватэры адзенне і мокрыя ручнікі становяцца прычынай большасці сямейных сварак. Да такой высновы прыйшлі даследчыкі з Таронцкага універсітэта (Канада).
"Для многіх людзей такія прычыны раздражняльнасці могуць падацца смешнымі і недарэчнымі, – расказвае кіраўніца даследчай групы Кетрын Крауфорд, – але людзі забываюць, што часта жанчына ў сям’і выконвае ролю не толькі жонкі і маці, але і прыбіральніцы, кухаркі”.
Сярод іншых прычын, якія раздражняюць большасць з трох тысяч апытаных жанчын, рэшткі зубной пасты ў ракавіне, – перапоўнены бак для смецця; адсутнасць туалетнай паперы; паднятае вечка ўнітаза і вялікая колькасць бруднага посуду.

Сацыёлагі падкрэсліваюць, што прычына жаночай незадаволенасці хаваецца не ў непасільнасці выканання дзеянняў па прыбіранні, а ў недахопе паважлівага стаўлення да іх.