У Кітаі папулярны тэлесерыял "Бітва шлюбу”. Ягоны герой – дамасед, які не ходзіць на працу, а займаецца хатняй гаспадаркай – выклікаў цікавасць шматлікіх Інтэрнет-карыстальнікаў.
У сувязі з гэтым партал "Ван’і” правёў анлайн-апытанне, вынікі якога паказалі, што 35% мужчын гатовыя быць "дамаседамі”, сярод жанчын толькі 25% адзначылі, што не супраць такіх мужчын.
Нягледзячы на тое, што мноства кітайцаў з радасцю гатовыя стаць "хатнімі гаспадарамі”, 27% Інтэрнет-карыстальніц не хочуць выходзіць замуж за "дамаседаў”. Дзяўчаты па-рознаму выказваюцца з гэтай нагоды: "Я не люблю такіх хлопцаў, жанчына абавязкова павінна выконваць свае абавязкі, а не ўзвальваць усё на мужчыну”; "Не магу пагадзіцца, каб муж ператварыўся ў "кухара”; "Хіба ў такой сям’і будзе мір і згода?”; "Я ненавіджу мужчын-дамаседаў, кажучы канкрэтна, яны бязглуздыя!”.
У Кітаі няма эканамічных і культурных умоў, каб мужчына сядзеў дома і цалкам займаўся хатняй гаспадаркай. З тае прычыны вынікі апытання недакладна адлюстроўваюць згаданую тэндэнцыю.
Разыходжанне паміж грамадскай думкай і рэальным жыццём адбываецца з-за ціску традыцыйнага соцыуму, дзе мужчына рэалізуецца па-за домам, а жанчына цалкам вядзе хатнюю гаспадарку. Падчас даследаванняў выяўлена, што нямала мужоў, якія пабраліся з прадпрымальніцамі, па-ранейшаму не разумеюць, чаму іх жонкі з-за дзейнасці па-за домам забываць пра свае абавязкі па хатняй гаспадарцы.