Я зусім выпадкова высветліў, што апошнім часам у Віцебску назіраўся ажыятаж, звязаны з трусамі. І, як аказалася, народ цікавіўся не толькі смачным мясам ці жывымі сімваламі года. Было запатрабаванне на адпаведнае секс-адзенне.
Знаёмая кансультантка фірмы, якая пастаўляе эратычныя аксесуары, не памятае, каб у год, напрыклад, пацука было нешта такое. Тым больш… змеі, каня, тыгра.
Мо і нездарма? Пры ўпамінанні труса многія мужчыны пачынаюць фантазіраваць: вось бы зараз, як трус, як калісьці… А тое, што суграмадзяне ўсё большы інтарэс праяўляюць да сексу і таго, што з ім звязана, на мой погляд, адназначна палешшыць дэмаграфічную сітуацыю. Маю рацыю?
Наконт ажыятажу на эратычныя касцюмы. Думаю, усё ж не такі ён гіганцкі. Але, як той казаў, тэндэнцыя ёсць.
Насамрэч, імпартны сексуальны касцюм (з мяккімі хвастом і вушамі) дастаткова даступны: пагадзіцеся, 130 тысяч рублёў – параўнальна невялікая цана за цікавы эксперымент. Дый, для паралелі: добры дзіцячы касцюм труса каштуе не меней. Сярэдняя цана на калядныя строі вагалася на ўзроўні ста тысяч рублёў. А тут такі нестандартны падыход у падрыхтоўцы да навагодніх святкаванняў!
На жаль, дагэтуль у нашым зусім немалым абласным цэнтры няма секс-шопа. А памятаецца, калі бываў у Польшчы, шмат разоў у невялікіх польскіх гарадках праходзіў міма спецыялізаваных крам і нават павільёнаў. У адзін нават зайшоў.
У Віцебску такое немагчыма. Спадзяюся, пакуль.
Дарэчы, адна паважаная прадстаўніца віцебскай медыцыны ўпэўнена, што секс-шоп неабходны гораду. Зняць можа шэраг праблем, напрыклад, зменшыць колькасць згвалтаванняў…
З-за адсутнасці спецыялізаваных секс-крамаў пры выбары эратычнага тавару асабліва ўважліва да ўсіх ягоных якасцяў і не прыглядзецца. Толькі фота ў каталогах ды на Інтэрнет-сайтах кароткая інфармацыя…
Летась, між іншым, у самым цэнтры Віцебска, у краме, дзе рэалізуюць канфіскат, нейкі час прадавалі эратычныя строі. Народ зацікавіўся. Ды пасля рэзанансных паведамленняў у СМІ продаж спынілі. Маўляў, нельга такія інтымныя тавары прадаваць у звычайных крамах. А кіраўніцтва магазіна пра гэта чамусьці і не ведала.
Дарэчы, у Інтэрнет-крамах касцюм труса можна заказаць і па меншай цане: да 100 тысяч рублёў. Ёсць і больш дарагі аналаг коштам пад 130 тысяч. Пры пакупцы на яшчэ большую суму гарантуецца скідка ў памеры 10 працэнтаў.
Тымчасам, паводле эксперткі, некаторыя асобы незадаволены тым, што інтымныя строі ды іншыя секс-штучкі, нельга ўзяць на пракат…