Прафсаюз хатніх гаспадынь існуе ў Расіі на працягу года. Назва яго – “8 сакавіка”. Ідэя належыць настаўніцы, і “па сумяшчальніцтву” шматдзетнай маці з Сергіева Пасада (Маскоўскай вобласць) Марыі Ракша. Мэта арганізацыі – дамагчыся для жанчыны, якая займаецца хатняй гаспадаркай, максімум сацыяльных гарантый. Па меркаванню Марыі Ракша, хатняя гаспадыня павінна атрымліваць заробак, мець аплачваемы адпачынак і пенсію.
Да ідэі прызнання прафесіі хатняй гаспадыні  роўнай іншым відам прафесійнай дзейнасці сп-ня Ракша прыйшла на аснове шматгадовага ўласнага вопыту як хатняй гаспадыні і педагога. Шчаслівыя дзеці, лічыць лідэр прафсаюза, “атрымліваюцца” толькі ў тых сем’ях, дзе на выхаванне малога выдаткоўваецца шмат часу і сіл. Марыя Ракша прыводзіць прыклад Нарвегіі, Швецыі ды некаторых іншых краін, дзе хатнія гаспадыні атрымліваюць заробак у 600 еўра, маюць права на часткова аплачваемы бальнічны ліст і чатырохтыднёвы адпачынак.
Прафсаюз “8 сакавіка” аб’ядноўвае каля 30 тысяч чалавек з усіх рэгіёнаў Расіі. Дарэчы, сярод чальцоў прафсаюза хатніх гаспадынь  не толькі жанчыны, а і мужчыны, не толькі тыя, хто займаецца хатняй гаспадаркай, але і працуючыя  дамы.