Толькі адзін з трох беларусаў лічыць, што пытанне аб тым, мець ці не мець дзяцей, жанчына мае права вырашыць сама. Астатнія прытрымліваюцца меркавання, што кабета мусіць нараджаць. Такія вынікі атрымалі супрацоўнікі Інстытута сацыялогіі Нацыянальнай акадэміі навук Беларусі паводле апошніх даследаванняў у галіне сямейных зносінаў. Апытанне праводзілася сярод прадстаўнікоў розных узростаў і сацыяльных груп. Абавязкам жанчыны нараджэнне дзяцей лічаць прадстаўнікі старэйшых узроставых груп, а дваццацігадовыя беларусы галасуюць за “самавызначэнне” спадарынь у гэтым пытанні.