У дакументах, што засведчваюць асобу, 21-гадовая лесбіянка Бішну Адхікары з Непала запісана чалавекам “трэцяга полу”. Гэтая маладая жыхарка невялікай горнай краіны сама жадала быць афіцыйна залічанай у гэтую катэгорыю.
Дзеля гэтага яна зрабіла запыт да ўладаў. Чыноўнікі прапанавалі запісаць яе мужчынам, паколькі, па іх меркаванню, дзяўчына выглядае вельмі мужчынападобна. Аднак заяўніца адмовілася і працягвала настойваць на атрыманні настолькі своеасаблівай класіфікацыі.

Бішну Адхікары з’яўляецца сяброўкай магутнай арганізацыі “Блакітны дыямент”. Гэтая НДА займаецца маніторынгам захавання правоў чалавека і праводзіць кампанію за роўныя правы для геяў і лесбіянак у гетэрасексуальным грамадстве.

Дзякуючы паслядоўнасці і цвёрдасці ў сёлетнім верасні Бішну афіцыйна стала першым чалавекам трэцяга полу ў Непале – краіне, дзе гомасексуальнасць і дашлюбны секс не вітаюцца.