У адзін з самых напружаных і драматычных перыядаў гісторыі сучаснага Ізраіля старшынёй кіруючай партыі “Кадыма” абрана жанчына, міністарка замежных спраў Цыпі Ліўні.

Цяпер яна занятая працэсам фармавання новага ўрада краіны. Ліўні апынулася ў няпростай сітуацыі: акрамя захавання кааліцыі і фармавання новага кабінета міністраў, перад ёй стаіць задача не дапусціць расколу ў кіруючай партыі.
Паўнавартасны ўрад павінен быць створаны не пазней за 3 лістапада. Калі ў Ліўні гэта атрымаецца, яна стане другой жанчынай у прэм’ерскім фатэлі за ўсю 60-гадовую гісторыю Ізраіля. Першай была Голда Меір, якая ўзначальвала ўрад з 1969 па 1974 год.

Цыпора Ліўні нарадзілася ў сям’і выхадцаў з Беларусі 50 гадоў назад. Служыла ў арміі, мае званне лейтэнанта. Атрымала юрыдычную адукацыю. Цягам некалькіх гадоў Ліўні працавала ў ізраільскай разведцы “Масад” у Парыжы. Замужам, у яе двое сыноў. Цыпі Ліўні вольна валодае французскай і ангельскай мовамі.