Беларускія лекары занепакоеныя тым, што наша краіна з’яўляецца адной з нямногіх у Еўропе, дзе не практыкуюцца медыкаментозныя аборты.
Тымчасам у заходняеўрапейскіх краінах доля такога тыпу перарыванняў цяжарнасці даходзіць да 90 – 95% ад агульнай колькасці абортаў. У Расіі да 75% перарыванняў цяжарнасці – медыкаментозныя. Такія аборты могуць рабіцца на розных тэрмінах цяжарнасці. Яны не настолькі траўматычныя для жаночага арганізма, як хірургічныя.
Найбліжэйшым часам у нас пачнуць ажыццяўляць медыкаментозныя перарыванні цяжарнасці. Зараз праходзіць рэгістрацыю адзін з прэпаратаў для правядзення такой працэдуры. Плануецца, што медыкаментозны аборт будзе бясплатным для падлеткаў. Працэдуру будуць прызначаць на тэрмін да шасці тыдняў цяжарнасці.