Да 2020 года больш за 24 мільёны кітайцаў не знойдуць сабе жонку. Гэта прагназуе Акадэмія грамадскіх навук Кітайскай Народнай Рэспублікі. У КНР, дзе пануе палітыка аднаго дзіцяці, назіраецца сур’ёзная дэмаграфічная дыспрапорцыя. На 100 немаўлят жаночага полу ў сярэднім нараджаецца 119 хлопчыкаў, а ў некаторых правінцыях – нават 130.
Многія кітайскія сем’і, калі рашаюць нарадзіць дзіця, хочуць, каб гэта быў хлопчык, які гарантуе прадоўжанне роду. Таму вельмі распаўсюджаны аборты жаночых зародкаў.
Паводле экспертаў, велізарная розніца ў колькасьці паміж дзяўчынкамі і хлопчыкамі з’яўляецца ў дадзены момант найбольшаю праблемаю Кітая. Спецыялісты падкрэсліваюць, што па гэтай прычыне ў будучым паглыбіцца з’ява гандлю людзьмі.