Галоўная » 2010 » Январь » 19 » Летась было перакрыта 10 каналаў вывазу людзей за мяжу
Летась было перакрыта 10 каналаў вывазу людзей за мяжу
10:26
У Менскай вобласці спынена дзейнасць арганізаванай злачыннай групоўкі, якая дзесяць гадоў займалася падборам, вярбоўкаю, перавозкаю і сексуальнаю эксплуатацыяй беларусак у РФ. Да трафіку прыклалі руку беларускія і расійскія грамадзяне. Зараз знойдзеныя восем пацярпелых, праводзіцца далейшае следства ды аператыўна-пошукавыя мерапрыемствы. У 2009 годзе супрацоўнікі абласной міліцыі перакрылі дзесяць каналаў вывазу асобаў за мяжу (Расія, Турцыя, Нямеччына і Польшча) ды знайшлі 35 ахвяраў гандлю людзьмі. У сферы супрацьдзеяння гандлю людзьмі органы ўнутраных спраў высвятлілі 67 злачынстваў, што на 55% больш, чым у 2008 годзе. 18 выпадкаў адносяцца да катэгорыі асабліва цяжкіх злачынстваў.