Амерыканская спявачка Мадонна плануе пабудаваць экашколу для дзяўчынак у Лілонгве, сталіцы афрыканскай дзяржавы Малаві. Асноўнай крыніцай энергіі ў навучальнай установе будуць сонечныя батарэі. Зборам сродкаў на стварэнне школы займалася некамерцыйная дабрачынная арганізацыя спявачкі "Адраджэнне Малаві”. Пасля завяршэння будаўніцтва ў 2012 годзе ў школе змогуць навучацца 450 дзяўчынак.
Навучальная ўстанова, якая зойме 46 гектараў, будзе ўключаць бібліятэку, спортзал, аздараўленчы цэнтр, сталовую, 30 класаў і 12 спальняў, а таксама 18 пакояў для абслугоўваючага персаналу.