Навукоўцы высветлілі, што мужчынам падабаюцца жанчыны нармальнай вагі. Абсалютная большасць апытаных схіляецца да дам з прывабнымі выгібамі. Мужчынскі пол аддае перавагу жанчынам з сярэдняй масай цела, а не моднай худобе і нулявому памеру. Галівудскія актрысы Скарлет Йохансан або Кейт Уінслет лічацца больш прывабнымі за Вікторыю Бекхем або Перыс Хілтан, запэўніваюць вучоныя.
Даследчыкі з Сент-Эндрускага універсітэта (вобласць Файф, Шатландыя, Аб’яднанае каралеўства) папрасілі групу студэнтаў мужчынскага полу ва ўзросце 18 – 26 гадоў ацаніць жаночыя фатаграфіі на прадмет прывабнасці і здароўя.
Высветлілася, што маладыя людзі самымі здаровымі і сімпатычнымі назвалі жанчын, чыя вага трапіла ў дыяпазон нормы. Вучоныя гавораць, што вынікі даследавання можна расцэньваць як прамое пасланне маладым жанчынам, якія мяркуюць, што худоба – гэта гарантыя прывабнасці ў вачах мужчын.