Сусветная арганізацыя аховы здароўя ўстрывожана тым, што медработнікі ўсё часцей ажыццяўляюць так званыя калечачыя аперацыі на жаночых палавых органах. Такія працэдуры ўключаюць частковае або поўнае выдаленне вонкавых геніталій, для якога няма ніякага медыцынскага абгрунтавання.
Як правіла, абразанне робіцца дзяўчынкам, маладзейшым за 15 гадоў. Абрад распаўсюджаны ў Афрыцы (на малюнку), у некаторых краінах Азіі і Блізкага Усходу, а таксама сярод імігрантаў у Паўночнай Амерыцы і Еўропе. Аперацыі на жаночых палавых органах (на здымках) могуць прыводзіць да цяжкіх крывацёкаў і праблем з мочаспусканнем, а пазней – да ўскладненняў падчас родаў і нават да смерці нованароджаных.

 

Эліс Йохансан з СААЗ кажа, што 18% такіх аперацый праводзяцца работнікамі аховы здароўя: "Гэта выклікае сур’ёзную заклапочанасць, бо медработнікі па сутнасці спрыяюць парушэнню правоў дзяўчынак. Іх удзел надае гэтай працэдуры легітымнасць і стварае ўражанне, што яна бясшкодная ці нават карысная для здароўя”.