Міністэрства аховы здароўя і сацыяльнага забеспячэння Японіі паведаміла, што ў 2009 годзе ў краіне нарадзілася каля аднаго мільёна 69 тысяч дзяцей. У параўнанні з папярэднім годам гэта на 22 тысячы менш.
За 2009 год у краіне памерлі 1 мільён 144 тысячы чалавек. Гэта на дзве тысячы больш пазалеташняй колькасці.
У выніку ў 2009 годзе было зафіксавана самае значнае да гэтага часу натуральнае скарачэнне колькасці насельніцтва. Яно склала 75 тысяч чалавек. Колькасць нованароджаных ў Японіі працягвала адставаць ад лічбы памерлых трэці год запар.
Міністэрства чакае, што скарачэнне колькасці японскага насельніцтва будзе працягвацца, улічваючы, што шэрагі жанчын рэпрадуктыўнага ўзросту памяншаюцца па меры старэння грамадства.