Жаночае беспрацоўе ў Беларусі пайшло на спад, паведамілі карэспандэнтцы БЕЛТА ў галоўным упраўленні палітыкі занятасці і народанасельніцтва Міністэрства працы і сацыяльнай абароны.
Паводле аператыўных даных, на 1 кастрычніка гэтага года на ўліку па беспрацоўі ў органах дзяржаўнай службы занятасці было 23,9 тыс. жанчын (на 3,6 адсотка менш, чым год таму). Прычым за верасень іх стала менш на 1,2 тыс. чалавек, а ў папярэднія месяцы колькасць беспрацоўных жанчын павялічвалася (за ліпень – на 600, за жнівень – на 1400). Дарэчы, да гэтага назіралася зніжэнне колькасці беспрацоўных жаночага полу: за чэрвень – на 0,7 тыс. чалавек, за май – на 0,6 тыс., за красавік – на 0,5 тыс. У цэлым жа беспрацоўных жанчын з 2003 года ў Беларусі стала менш у 4 разы.
Удзельная вага жанчын у структуры беспрацоўных на 1 кастрычніка дасягнула 56,6 працэнта (за верасень бягучага года яна вырасла на 0,3%, за жнівень – на 0,7 працэнтнага пункта, за ліпень – на 0,2%). А летась 1 кастрычніка гэты паказчык быў роўны 62,3%.
Сярод рэгіёнаў рэспублікі больш за ўсё беспрацоўных жанчын налічваецца па-ранейшаму ў Гомельскай і Берасцейскай абласцях (адпаведна 4,3 тыс. і 4,2 тыс. чалавек), менш за ўсё – у Менску (2,7 тыс.).