Як паведаміла брытанская радыёстанцыя Бі-бі-сі, падтрыманне ўласнай ідэальнай вагі ўзначаліла рэйтынг уяўленняў пра шчасце сучасных еўрапейскіх жанчын. Праведзенае ў Еўрасаюзе сацыялагічнае даследаванне паказала, што жаночы пол ставіць клопат пра ўласную фігуру нават вышэй асабістых адносін з мужчынскай часткай чалавецтва. Па меркаванні большасці жыхарак ЕС, залішняя вага вядзе да больш значных і глыбокіх негатыўных перажыванняў, чым няздольнасць знайсці сабе ідэальнага партнёра.
Пры гэтым захаванне ідэальнай вагі, фігуры і знешняга выгляду цэніцца імі больш, чым рамантычная сувязь з блізкім чалавекам. "У еўрапейскіх жанчын пытанне аб уласнай вазе выйшла на першае месца сярод жыццёвых прыярытэтаў”, – заявіла прафесарка Пэм Спар, якая ўдзельнічала ў апрацоўцы дадзеных даследавання. "Шмат у чым гэта адбываецца з-за асаблівасцяў цяперашняй заходняй цывілізацыі, калі жаночая прыгажосць асацыюецца ў першую чаргу з добрай фігурай, – адзначыла яна. – Стварылася сітуацыя, калі людзі, якія пакутуюць ад залішняй вагі, негатыўна ўспрымаюцца грамадствам”.