З амаль 3 тысяч бытавых злачынстваў, здзейсненых у 2009 годзе ў Беларусі, каля 2,3 тысяч звязаныя з гвалтам у дачыненні да жанчын, – паведаміла старшы інспектар Галоўнага ўпраўлення аховы правапарадку і прафілактыкі Міністэрства ўнутраных спраў Беларусі Вольга Сакалоўская на прэс-канферэнцыі ў Менску.
"Праблема ў тым, што на сёння жанчыны не навучыліся адкрыта казаць пра тое, што ў сям’і не ўсё добра. Супрацоўнікі МУС часцей за ўсё даведваюцца пра праблемы ў сям’і, калі злачынства ўжо здзейснена, ад суседзяў, медыкаў”, – паясніла супрацоўніца Міністэрства ўнутраных спраў.