Міністэрства ўнутраных спраў Кітайскай Рэспублікі (Тайваня) апублікавала статыстыку аб узроўні адукаванасці і пісьменнасці ў краіне.
Дадзеныя сведчаць, што вышэйшую адукацыю атрымалі 35,9% з 19 мільёнаў астраўлянаў, старэйшых за 15 гадоў. За апошнія дзесяць гадоў гэтая лічба вырасла на 18%, ператварыўшыся ва ўстойлівую тэндэнцыю. Хоць сярод людзей з вышэйшай адукацыяй агульны працэнт мужчын (37,6%) перавышае долю жанчын (34,2%), але ў групе да 40 гадоў адукаваных жанчын больш, чым мужчын.
Што тычыцца ўзроўню пісьменнасці на Тайвані, то ён склаў 97,91%.