Турэцкія ўлады намераныя працаўладкаваць прадстаўніц старажытнай прафесіі.
Прадстаўнікі ўрадавай камісіі па правах чалавека плануюць правесці сустрэчы з амаль трыма тысячамі путан. Калі па выніках спатканняў высветліцца, што жанчыны працуюць пад прымусам, то ім пасадзейнічаюць у працаўладкаванні. У склад камісіі ўвойдуць псіхолагі і сацыёлагі.
Па афіцыйных дадзеных, у Турцыі налічваецца 56 публічных дамоў. У іх легальна працуюць каля трох тысяч прастытутак. Па афіцыйнай інфармацыі, у цэлым у секс-бізнесе занятыя больш за 15 тысяч жанчын. Паводле іншых ацэнак, прастытуцыяй у Турцыі займаюцца 100 тысяч чалавек, у тым ліку мноства грамадзянак краін былога сацлагера і постсавецкіх рэспублік.