Кіраўнік ўрадавай рады па справах працы Ван Жу-сюань паведаміла, што з канца траўня ў працоўным заканадаўстве вострава плануюцца змены, якія спросцяць для тайваньскіх жанчын афармленне дэкрэтных водпускаў. Аб гэтым было абвешчана на прэс-канферэнцыі міністэрства ўнутраных спраў Кітайскай Рэспублікі. Сустрэча з журналістамі была прысвечана стогадоваму юбілею святкавання 8 Сакавіка.
Па новых правілах, калі цяжарная жанчына прад’явіць даведку ад лекара, то зможа ўзяць на працы адпачынак тэрмінам да аднаго года. Пры гэтым працадаўца не мае права адмовіцца ад афармлення дэкрэту. Нягледзячы на новаўвядзенне, дэкрэтны адпачынак на Тайвані па-ранейшаму не будзе аплачвацца, але дазволіць жанчыне захаваць права на працоўнае і медыцынскае страхаванне.