Урад ЗША падасць апеляцыю на рашэнне федэральнай суддзі са штата Каліфорнія, якая выдала пастанову прымаць у войска адкрытых геяў і лесбіянак. Пра гэта паведаміў карэспандэнт Польскага радыё ў Вашынгтоне. Прэзідэнт Барак Абама сказаў, што з’яўляецца прыхільнікам раўнапраўя. Пры гэтым ён зазначыў, што змены ў арміі павінны адбывацца больш спакойна.
12 кастрычніка федэральная суддзя Вірджынія Філіпс адмяніла юрыдычнае правіла, якое забараняла ваеннаслужачым геям і лесбіянкам адкрыта гаварыць пра сваю арыентацыю. У адказ Белы дом заявіў, што падасць скаргу на рашэнне суддзі. Пры гэтым чыноўнікі прыводзяць словы Абамы, які заявіў, што права на службу адкрытых гомасексуалістаў у арміі будзе прызнана яшчэ падчас яго тэрміну паўнамоцтваў.
З 1993 года геі і лесбіянкі могуць служыць у арміі ЗША пры ўмове, што сваю сексуальную арыентацыю будуць трымаюць у сакрэце. За парушэнне гэтага правіла з амерыканскага войска было звольнена больш за 10 тыс. чалавек.