Некалькі год у ЗША, Германіі і Японіі выбіраюць найбольш папулярнае “слова года”. Да гэтых краін далучылася і Расія. Найбольш папулярныя словы вызначалі метадам рассылкі электроннага апытання. Больш як тры тысячы расіян склалі спіс з 50 найбольш папулярных словаў. Шляхам галасавання Цэнтр развіцця рускай мовы пры Міжнароднай асацыяцыі выкладчыкаў рускай мовы і літаратуры вызначыў, што летась рускім “Словам года” стаў “гламур”. На другім месцы – нізка слоў, якія пачынаюцца з “нана-“ (напрыклад, “нанатэхналогіі”), на трэцім – словы “блог” і “блогер”. Далей месцяцца словы “раскрутка”, “выбары” і, нарэшце, “гендэр”.

 

 

Шведскія навукоўцы вынайшлі сувязь паміж станам здароўя і гендэрнай роўнасцю. Спецыялісты Інстытута сацыялогіі і медыцыны Швецыі апыталі жыхароў 290 муніцыпалітэтаў па 9 паказчыках і прыйшлі да высноваў, што роўнасць палоў скарачае жыццё і жанчын, і мужчын. Мужчыны знаходзяцца ў стане псіхалагічнай траўмы, губляючы традыцыйныя прывілеі, а жанчыны пакутуюць ад празмерна цяжкай працы. Гэта вядзе да развіцця нервовых захворванняў, хваробаў страўніка і сэрца.
Расійскія псіхолагі сумняваюцца, што падобныя высновы абгрунтаваныя, але адзначаюць: такое можа здарыцца, калі ў сям’і прапагандуецца не гендэрная роўнасць, а гіпертрафіраваны варыянт фемінізму.

 

Прыход да ўлады брата Фідэля Кастра – Рауля – сярод іншых крокаў да лібералізацыі і капіталізму прывёў да адраджэння секс-турызму.
Дэ-юрэ сексуальны паслугі яшчэ забаронены, але дэ-факта краіна ідзе да іх легалізацыі. Першым крокам у гэтым напрамку можна лічыць афіцыйную адмену забароны на пражыванне ў адным гатэлі кубінцаў і іншаземцаў.
Зачыніўшы казіно і бардэлі, Фідэль Кастра разбурыў эканоміку краіны, якая ў значнай ступені папаўнялася з гэтых крыніц. Тым часам турыстам па-ранейшаму прапаноўвалі секс-паслугі, але цішком. Сутэнёрамі ў жанчын былі большай часткай іх бацькі, браты, бойфрэнды. Зараз у самых вядомых кубінскіх гатэлях, такіх як “Капакабана”, “Насьяналь”, “Рыў’ера”, прастытуткі атрымалі “зялёна ... Чытаць далей »

Томас Беаці са штата Арэгон з’яўляецца адзіным у свеце мужчынам, які здолеў зацяжарыць. Амерыканец пайшоў на гэта таму, што ягоная жонка Нэнсі пасля выдалення маткі не мае магчымасці мець дзяцей.
Тома Беаці нарадзіўся дзяўчынкай, і ў юнацтве нават перамагаў на конкурсах прыгажосці. Потым ён зрабіў аперацыю па змене полу, атрымаў дакументы, якія сцвярджаюць, што ён з’яўляецца мужчынам, і ажаніўся. Зацяжарыць Томас змог таму, што, змяняючыся ў мужчыну, рашыўся толькі на выдаленне грудзей ды гарманальную тэрапію, але аперацыю па змене палавых органаў не зрабіў. Мужчына зацяжарыў пасля другой спробы ... Чытаць далей »

Апытанне, праведзенае часопісам “Playboy”, паказала, што 29 адсоткаў жанчын не жадаюць выходзіць замуж. На сёння сярод дам ва ўзросце ад 30 да 34 гадоў ніколі не бралі шлюб 20 працэнтаў расіянак і 50 працэнтаў амерыканак. Большасць з іх і ў будучым не збіраюцца рабіць гэта, нягледзячы на тое, што многія маюць ці збіраюцца завесці дзяцей. У сувязі са зніжэннем аўтарытэта класічнай шлюбу расце не толькі папулярнасць грамадзянскіх саюзаў і няпоўных сем’яў, але і новых формаў адносінаў. Так, апошнім часам набірае папулярнасць новая тэндэнцыя, калі дзве незамужнія жанчыны жывуць разам, не з’яўляючыся аднаполай сям’ёй. Саюз двух сябровак-кампаньёнак ратуе іх ад адзіноты і дапамагае вырашыць шматлікія жыццёвыя і матэрыяль ... Чытаць далей »

Цікавае даследаванне было праведзена Незалежны інстытут сацыяльна-эканамічных і палітычных даследаванняў. Беларускім рэспандэнтам прапанавалі “прагаласаваць” за кандыдатаў у амерыканскія прэзідэнты. Адказваючы на пытанні, беларусы прадэманстравалі значную гендэрную прагрэсіўнасць: кандыдатка Хілары Клінтан збірае амаль столькі ж сімпатый, як і абодва кандыдаты мужчынскага пола разам.
Так, па дадзеных НІСЭПД, 26,1 працэнта беларусаў прагаласавалі б за тое, каб прэзідэнтам Амерыкі стала Хілары Клінтан. 15 з паловай адсоткаў аддаюць перавагу Джону Макейну, 11,7 – Бараку Абаме. Да таго ж, амаль ва ўсіх дэмаграфічных групах захоўваецца менавіта такая іерархія.

 

У Індыі зарэгістраваны унікальны факт: транссексуал, якога зваць Пуджа, дамогся, каб у яго пашпарце у раздзеле “пол” была пастаўлена літара “Т” (“транссексуал”). Гэта першы ў свеце выпадак афіцыйнага прызнання “трэцяга полу”.
Пуджа жыве ў горадзе Салем (штат Тамілнад, Індыя). Ён выглядае як прыгожая жанчына, але мае мужчынскія палавыя органы. Транссексуал даказаў, што ён не з’яўляецца ні мужчынам, ні жанчынай, а ўяўляе сабой тое і другое адначасова.
Зараз індыйскія ўлады чакаюць нашэсця транссексуалаў, якія жадаюць атрымаць такі ж пашпарт. Па папярэдніх падліках, у гэтай краіне жыве каля 40 тысяч прадстаўнікоў “трэцяга пола”.

 

Аўстралійскі парламент пад кіраўніцтвам прэм’ер-міністра Кевіна Руда змяніў форму некаторых законаў, каб не дыскрымінаваць жанчын. У 88 дакументаў унесеныя 500 паправак, у якіх займеннік “яго” замяняюць словамі “яго ці яе”.
Новаўвядзенні не перайначылі зместу законаў, а толькі зрабілі іх нейтральнымі да полу. Рэформа таксама тычылася назваў пасадаў. Яны былі зменены такім чынам, каб маглі адпавядаць і мужчынам, і жанчынам.
Парламентарыі зазначылі, што гэта толькі першая частка праграмы, накіраванай на змаганне з прывілеямі аднаго полу.

 

У Беларусі пачнуць навучаць жанчын-пілотаў, паведамляе БЕЛТА. Упершыню сёлета на авіяцыйны факультэт Ваеннай акадэміі пройдзе эксперыментальны набор жанчын. Плануецца выбраць пяць спадарынь, якія будуць вучыцца лятаць на баявых самалётах.
Кандыдаткі мусяць адпавядаць сур’ёзным патрабаванням. У дзяўчын павінна быць не толькі вельмі добрая фізічная падрыхтоўка, але і высокі ўзровень інтэлекту. Перавагу будуць аддаваць жанчынам, якія займаюцца ў авіяклубах і прынамсі агульна арыентуюцца ў авіяцыі.