Па пяці намінацыях – “За лідэрства і паспяховае кіраўніцтва”, “За актыўную грамадскую дзейнасць”, “За дасягненні ў выхаванні дзяцей”, “За высакароднасць і міласэрнасць”, “За жаночую мужнасць” – праходзіць конкурс “Жанчына года” ў Беларусі. Яго арганізатарамі з’яўляюцца Беларускі саюз жанчын (самая масавая жаночая грамадская арганізацыя ў рэспубліцы, на сёння налічвае амаль 170 тысяч сябровак), Міністэрства інфармацыі, Міністэрства працы і сацыяльнай абароны. Мэта конкурсу – не толькі павышэнне сацыяльнага статусу жанчыны ў краіне, але і папулярызацыя мацярынства. Ён праводзіцца ва ўсіх рэгіёнах рэспублікі, вынікі конкурсу будуць падведзены напярэдадні 8 сакавіка 2009 года.

 

Згодна з апошнімі даследаваннямі, праведзенымі “Pew Internet & American Life Project”, большасць маладых карыстальнікаў Інтэрнета – дзяўчыны. Сярод web-карыстальнікаў ва ўзросце ад 12 да 17 гадоў блогі вядуць 35 працэнтаў дзяўчат і толькі 20% хлопцаў, ствараюць свае web-старонкі 32 і 22 адсоткі, прысутнічаюць у сацыяльных сетках ды працуюць над сайтамі для іншых асоб 70 і 57%. Хлопцы захоўваюць лідэрства толькі ў відэахостынгу, але спецыялісты тлумачаць гэта не адсутнасцю прафесіяналізму ў дзяўчын, а некаторымі псіхалагічнымі асаблівасцямі маладых людзей ды суадносінамі хлопцаў і дзяўчат у складзе моладзевых груповак і субкультур.
Перавага жаночай паловы ў Інтэрнеце назіраецца толькі сярод тынэйджэраў, у старэйшых узроставых катэгорыях мужчыны захоўваюць лідэрства.

 

За гэты час партал www.dzietki.org стаўся адной з найбольш папулярных у Беларусі Інтэрнет-пляцовак сямейнай тэматыкі, бо слоган “Расцем беларусамі!” актуальны для значнай колькасці наведвальнікаў Сеціва.
За два гады існавання сайта на ім з’явілася шмат сямейных гісторыяў, якія пачыналіся з паведамлення “Здаецца, я цяжарная” і працягваюцца пастамі пра пошук беларускамоўнай нянькі ці садочка, альбо стартавалі стварэннем тэмы “Як даведацца памер пальца дзяўчыны?” і працягваюцца аповедамі пра шлюб і пошукі недарагой кватэры. На форуме дзейнічаюць вір ... Чытаць далей »

Цыкл заняткаў на тэму “Падтрымка маладых прадстаўніц этнічных меншасцяў”  рыхтуецца Бірмінгеме (Вялікабрытанія). Трэнінг пройдзе з 18 да 24 траўня гэтага года. Усе выдаткі будуць аплачаныя арганізатарамі. Апошні тэрмін падачы заяўкі на ўдзел у навучанні – 6 красавіка.
Больш падрабязную інфармацыю пра трэнінг і анкету можна знайсці на web-пляцоўцы: www.salto-youth.net/TCEmpower/.

 

21 сакавіка прэзідэнт Малдовы Уладзімір Варонін падпісаў указ аб прызначэнні на пасаду прэм’ер-міністра краіны 52-гадовай Зінаіды Грачанай. Яна стане першай у гісторыі краіна жанчынай на гэтай пасадзе. Раней яна займалася ва ўрадзе блокам макраэканамічных пытанняў.

 

Выстава “Эвалюцыйны гендэр” адчынілася ў Музеі мастацтва Грузіі імя Ш. Аміранашвілі. Гэта частка праекта “Гендэр і палітыка на Паўднёвым Каўказе”, які ажыццяўляецца пры фінансавай падтрымцы Праграмы развіцця ААН парламентам і ўрадам Грузіі і Шведскім міжнародным агенцтвам развіцця і супрацоўніцтва.
Мэта выставы – прапаганда мастацкіх твораў на гендэрную тэматыку. Тут дэманструюцца работы грузінскіх майстроў мультымедыйнага жывапісу, фота і графікі. Экспазіцыя паказвае, як грузінкі, якім гістарычна быў наканаваны лёс гаспадыні, маці ды жонкі, выходзяць на палітычную і грамадскую арэну і нават пачынаюць граць на ёй галоўныя ролі.

 

Кыргызстан – адна з рэспублік Цэнтральнай Азіі, дзе на дзяржаўным узроўні прызнаецца існаванне гвалту у адносінах да жанчын. Апошнім часам у краіне ствараюцца “тэлефоны даверу”, крызісныя цэнтры, прытулкі для пацярпелых. Аднак значных змен сітуацыі не назіраецца.
Праведзеныя Нацыянальным статыстычным інстытутам Кыргызстана сацыялагічныя даследаванні паказалі, што значная частка кіргізак лічыць гвалт нармальнай формай сямейна-бытавых зносінаў. Апытанні, праведзеныя сярод жанчын ва ўзросце 15 – 49 гадоў, паказалі, што 38 адсоткаў рэспандэнтак згаджаюцца з побытавым гвалтам у любым выпадку, чым бы ён ні быў выкліканы. Пятая частка апытаных кіргізак прызнае за супружнікам права біць іх у выпадках, калі жанчына без дазволу мужа выходзіць з дому, дрэнна глядзіць за дзецьмі ці спрачаецца з сужэнцам. Дзесятая частка жанчын лічыць, што гва ... Чытаць далей »

Падчас першай французскай выставы гінекалогіі лекары й акушэры паведамілі, што 20% жанчын у радзільных дамах залічваюцца менавіта ў гэтую узроставую групу.
Спецыялісты лічаць, што прычынаю позніх родаў становяцца ўмовы сучаснага жыцця: доўгі час навучання, прафесійная кар’ера, а таксама крызіс сям’і, які прыводзіць да разводаў і паўторных шлюбаў.
Мадэль мацярынства ў сярэднім узросце прапагандуюць таксама сродкі масавай інфармацыі. У тэлевізіі можна пабачыць вядомых людзей, якія вырашылі нарадзіць дзіця пасля сарака гадоў.
Выстава гінекалогіі ў Францыі праходзіла ўпершыню. Яна была спалучана з шэрагам канферэнцый, прысвечаных медыцынскім, грамадскім і псіхалагічным пытанням цяжарнасці. Мерапрыемствы гало ... Чытаць далей »

Урад Швецыі выступіў з ініцыятывай выплачваць грошы бацькам, якія ня хочуць аддаваць сваіх малых у дзіцячыя садкі. За вызваленне месца ў дзіцячым садку, згодна з прапановай кабінета міністраў, сям’я зможа атрымліваць да 3000 крон (прыкладна 300€) у месяц. Падаткі з гэтых грошай вылічваць не будуць, а само новаўвядзенне, выкананне якога ляжыць на мясцовых уладах, можа набыць законную сілу пачынаючы з сёлетняга ліпеня.
Такі хуткі графік выклікае шмат крытыкі. Пытанняў вакол рэформы вельмі шмат: колькі яна будзе каштаваць, ці ёсць у муніцыпалітэтаў дастатковыя адміністратыўныя рэсурсы, каб весці ўлік дзяцей і бацькоў, якія адмаўляюцца ад месцаў у камунальных садках і, дарэчы, колькі іх будзе тых дзяцей і бацькоў? П ... Чытаць далей »