У Кітаі папулярны тэлесерыял "Бітва шлюбу”. Ягоны герой – дамасед, які не ходзіць на працу, а займаецца хатняй гаспадаркай – выклікаў цікавасць шматлікіх Інтэрнет-карыстальнікаў.
У сувязі з гэтым партал "Ван’і” правёў анлайн-апытанне, вынікі якога паказалі, што 35% мужчын гатовыя быць "дамаседамі”, сярод жанчын толькі 25% адзначылі, што не супраць такіх мужчын.
Нягледзячы на тое, што мноства кітайцаў з радасцю гатовыя стаць "хатнімі гаспадарамі”, 27% Інтэрнет-карыстальніц не хочуць выходзіць замуж за "дамаседаў”. Дзяўчаты па-рознаму выказваюцца з гэтай нагоды: "Я не люблю такіх хлопцаў, жанчына абавязкова павінна выконваць свае абавязкі, а не ўзвальваць усё на мужчыну”; "Не магу пагадзіцца, каб му ... Чытаць далей »

Акруговы суд Тэль-Авіва прызнаў колішняга прэзідэнта краіны Машэ Кацава вінаватым у двух згвалтаваннях, а таксама ў сексуальных дамаганнях. Калегія суддзяў палічыла непераканаўчымі доказы абароны, а частку з іх ацаніла як "сфабрыкаваныя”.
Феміда палічыла даказанымі паказанні былой супрацоўніцы Міністэрства турызму, якая абвінаваціла Кацава ў тым, што ў 1998 годзе ён двойчы прымусіў яе ўступіць у інтымную сувязь, калі ўзначальваў гэтае ведамства.
Акрамя таго, прызнаная сапраўднай і заява супрацоўніцы прэзідэнцкага офіса. Паводле яе паказанняў, пасля абрання на пасаду прэзідэнта ў 2000 годзе Кацав дамагаўся яе, а калі атрымаў адмову, то пачаў усяляк пераследаваць.
У дадатак, суддзі палічылі, што ... Чытаць далей »

Як паведаміла брытанская радыёстанцыя Бі-бі-сі, падтрыманне ўласнай ідэальнай вагі ўзначаліла рэйтынг уяўленняў пра шчасце сучасных еўрапейскіх жанчын. Праведзенае ў Еўрасаюзе сацыялагічнае даследаванне паказала, што жаночы пол ставіць клопат пра ўласную фігуру нават вышэй асабістых адносін з мужчынскай часткай чалавецтва. Па меркаванні большасці жыхарак ЕС, залішняя вага вядзе да больш значных і глыбокіх негатыўных перажыванняў, чым няздольнасць знайсці сабе ідэальнага партнёра.
Пры гэтым захаванне ідэальнай вагі, фігуры і знешняга выгляду цэніцца імі больш, чым рамантычная сувязь з блізкім чалавекам. "У еўрапейскіх жанчын пытанне аб уласнай вазе выйшла на першае месца сярод жыццёвых прыярытэтаў”, – ... Чытаць далей »

Міністэрства працы і сацыяльнай абароны Беларусі прагназуе змяншэнне нараджальнасці ў найбліжэйшы перыяд. Гаворка ідзе аб часавым прамежку 2011 – 2015 гадоў. Гэта звязана з тым, што ў дзетародны ўзрост уваходзяць жанчыны, якія з’явіліся на свет падчас спаду нараджальнасці ў дзевяностых гадах.
Мінпрацы і сацабароны распрацавала дэмаграфічную праграму на 2011 – 2015 гады. У ёй прадугледжваецца спрыянне з’яўленню ў сем’ях 2 – 3 малых, бо 60% саюзаў маюць не больш, чым адно дзіця. У якасці задачы пастаўлена ўтрыманне нараджальнасці на пастаянным узроўні, каб не дапусціць чарговы спад.
У міністэрстве перакананыя, што дапамога дзяржавы (адмысловая жыллёвая і падаткавая палітыка, ільготныя крэдыты) стыму ... Чытаць далей »

Краіны Паўночнай Еўропы захавалі лідзіруючыя пазіцыі ў рэйтынгу раўнапраўя полаў. Такія высновы ўтрымліваюцца ў дакладзе, падрыхтаваным экспертамі Сусветнага эканамічнага форуму (СЭФ). Разлічваючы індэкс раўнапраўя полаў, аналітыкі СЭФ параўналі магчымасці, якімі валодаюць мужчыны і жанчыны ў 134 краінах, па чатырох асноўных паказчыках: удзел у эканамічным жыцці і прасоўванне па службе, доступ да адукацыі, прадстаўнічасць у палітыцы, стан здароўя.
У выніку рэйтынг, які штогод публікуецца з 2005 года, другі год запар ўзначаліла Ісландыя. Нарвегія і Фінляндыя размясціліся на другім і трэцім радках, памяняўшыся месцамі ў параўнанні з мінулым годам. У першую дзесятку ўвайшлі таксама Швецыя, Новая Зеланды ... Чытаць далей »

Як паведаміла кубінскае інфармацыйнае агенцтва Прэнса Лаціна, міністарка фінансаў і эканамічнага развіцця Бермудскіх астравоў Паула Кокс заняла пост галавы ўраду архіпелага.
Гэта адбылося пасля перамогі на выбарах правячай Прагрэсіўнай лейбарысцкай партыі (ПЛП). Кокс была фаварыткай падчас усіх апытанняў грамадскай думкі.
Пераможца выбараў – трэцяя па ліку жанчына, якая ўзначальвае выканаўчую ўладу на Бермудах. У 1993 годзе прэм’ер-міністаркай стала Памела Гордан ад апазіцыйнай Аб’яднанай партыі. Праз пяць гадоў гэтую пасаду заняла прадстаўніца ПЛП Джэніфер Сміт.
Бермуды – заморская тэрыторыя Вялікабрытаніі, размешчаная на групе каралавых выспаў у паўночна-заходняй частцы Атлантыкі, у 900 кіла ... Чытаць далей »

Група студэнтак, апранутых у вясельныя сукенкі, правяла марш пратэсту з патрабаваннем пакласці канец гвалту ў адносінах да жанчын. Дэманстрацыя прайшла ў сталіцы Дамініканскай Рэспублікі Санта-Дамінга. Акцыю пратэсту ўзначальвалі ўпаўнаважаная па справах жанчын Раксана Рэес і заснавальніца руху "Марш нявест” Джозі Эштан.
Па словах Рэес, дзейнасць "нявест” накіравана на павышэнне дасведчанасці насельніцтва пра неабходнасць звяртаць увагу на праблемы гвалту ў сям’і, і што тое, што адбываецца цяпер, не можа доўга працягвацца. Паводле яе слоў, у Дамінікане расце хатні гвалт, у тым ліку са смяротным зыходам: "Мы маленькая краіна з насельніцтвам у 10 мільёнаў чалавек, і ў нас у год 68 выпадкаў забойстваў жа ... Чытаць далей »

Агенцтва навінаў Прэнса Лаціна паведаміла пра вынікі анкетавання кубінцаў па тэме нараджальнасці. Апытанне ажыццявіў Цэнтр па пытаннях народанаселення і развіцця (CEPDE), які існуе пры Нацыянальным бюро статыстыкі. Анкетаванне праходзіла ў снежні-студзені і ахапіла 14 правінцый і востраў Хувентуд. Апошняе аналагічнае даследаванне ладзілася ў 1987 годзе. Адметна, што ўпершыню анкетаванне закранула мужчын, якія, натуральна, уплываюць на карціну нараджальнасці.
Апытанне прадэманстравала, што 30% жанчын і 45% мужчын ва ўзросце ад 15 да 54 гадоў хочуць у будучыні мець дзяцей, як сказаў д ... Чытаць далей »

Трэці камітэт Генеральнай Асамблеі ААН аднагалосна адобрыў правілы абыходжання з жанчынамі-зняволенымі. Гэтыя рэкамендацыі былі распрацаваны на сустрэчы ў Бангкоку яшчэ летась у лістападзе.
У іх гаворыцца, напрыклад, што жанчын, асуджаных на вязніцу, пажадана накіроўваць у месцы зняволення, якія знаходзяцца недалёка ад дома. У адносінах да цяжарных і маці, што кормяць, не рэкамендуецца ўжываць пакаранне ў выглядзе размяшчэння ў адзіночнай камеры або ў штрафным ізалятары. Акрамя таго, бангкокскія правілы зацвярджаюць права жанчын, якія апынуліся за кратамі, на медыцынскае абслугоўванне з улікам спецыфічных патрэб. Эксперты адзначаюць, што зняволеныя наогул знаходзяцца ва ўразлівым становішчы, а жанчыны ... Чытаць далей »